حوزہ نیوز ایجنسی کی رپورٹ کے مطابق, پینٹاگون کے ایک سینئر اہلکار نے اعلان کیا کہ وہ کییف کے اس دعوے کی تصدیق نہیں کر سکتے کہ ایران نے روس کو بیلسٹک میزائل بھیجے ہیں۔

راشا ٹوڈے ویب سائٹ کے مطابق پینٹاگون کے ترجمان پیٹرک رائیڈر نے منگل کی رات کہا کہ امریکی محکمہ دفاع کے پاس ایسا کوئی ثبوت نہیں ہے جس سے یہ ظاہر ہو کہ تہران نے ماسکو کو بیلسٹک میزائل بھیجے ہیں۔

اس امریکی فوجی اہلکار نے کہا: "ہمارے پاس ایسی معلومات نہیں ہیں جس سے یہ ظاہر ہو کہ ایران نے یوکرین میں استعمال کے لیے بیلسٹک میزائل روس کو فراہم کیے ہیں۔"رائڈر نے نامہ نگاروں سے کہا: "پینٹاگون اس معاملے پر گہری نظر رکھے ہوئے ہے۔

پینٹاگون کے ترجمان کے بیانات یوکرین کے صدر کے ترجمان "میخائل پوڈولیاک" کے اس دعوے کے جواب میں دیئے گئے، جس نے حال ہی میں روس کو ہتھیار فراہم کرنے کے لیے ایران کی دفاعی صنعت کی تنصیبات پر حملے کا مطالبہ کیا تھا۔

پوڈولیاک کی یہ مبالغہ آرائی ایسے وقت میں سامنے آئی ہے جب زیلنسکی کی حکومت نے یوکرین کی 20 فیصد زمین تباہ کر دی ہے اور ملک کے کئی شہروں کو بجلی کی کمی کے چیلنج کا سامنا ہے۔ ایسے حالات کے باوجود، اس یوکرائنی اہلکار نے ایک ٹیلی ویژن تقریر میں دعویٰ کیا: ’’میرا ماننا ہے کہ ایران پر صرف پابندیاں عائد کرنا کافی نہیں ہے بلکہ ایرانی اسلحے خانے پر حملہ ضروری ہے۔